الحل النهائى لمشكلة المواقع الاباحية و ازاى تتخلصى منها؟ خاص
جدا !! السلام عليكم و رحمة الله وبركاته
مساء الخير يا فوتكات يا اخواتى عساكم بخير و صحة كلكم يارب
انا كتبت الموضوع دة النهاردة ابتغاء مرضات الله وحده وربنا يارب يجعلو فى
ميزان حسناتى و يارب تستفادو بيه انا هقولكم النهاردة باذن الله على تجربة
شخصية ناجحة لشخص اراد انو يستغنى و يقلع عن الذنب و البلاء البشع المسمى
باءدمان المواقع الاباحية و دى تجبة من حد اعرفو كويس جدا و الحمد لله نجحت
و ساب المواقع دى و ربنا عافاه من الابتلاء دة و هقولكم الخطوات الى مشى
عليها واحدة واحدة و يارب تمشوا عليها لاى ست بتشتكى انو جوزها بيتابع
البلاوى دى او حتى اى بنت ابتلاها ربنا بكدة و ربنا يهدى عباده
اول خطوة
انو طبعا التوبة النصوحة انك تتوبى توبة نصوحة و تعزمى على عدم العودة و
تستغفرى ربنا باستمرار كل ما تتذكرى الذنب دة
ثانيا
تحميل افضل برنامج لحجب المواقع الاباحية و هوا برنامج عالمى و افضل برنامج
فى العالم و موجود فى كل السيبرات و معروف جدا و هوا برنامج
We-Blocker
برنامج
دة تنزليه من على النت و تستبطيه و لازم تعرفو انو البرنامج دة ليه باسورد
و طبعا انتى الى هتستطبيه و هتبقى عارفة الباسورد فعشان تمنعى نفسك و تحمى
نفسك من وسوسة الشيطان افتحى صفحة برنامج ال
Word اكتبى اى باسورد باى طريقة عشوائية و معنى عشوائية يعنى اى حروف ورا بعض
ماتكونش كلمة ليها معنى لانك برضو ممكن تحفظيها لا اى حروف كدة ورا بعضها و
سيبى صفحة الباسورد مفتوحة و بعيدن ابدئى سطبى الربنامج و اول ماتيجى عند
جزء الى المفروض تكتبى فيه الباسورد اعملى كوبى من صفحة الورد و بست فى
خانة الباسورد تمام و بعدين دوسى اوكى
و اقفلى فورا صفحة الباسورد
كدة تبقى ضمنتى انك حتى لو الشيطان وسوسلك انك ترجعلى تفتحى الصفحات دى
تانى موش هتعرفى لانو بعد ماتسطبى البرنامج هوا بيمنع تمام الصفحات دى انها
تفتح و موش بتفتح الا لو فكيتى الحجب و طبعا الحجب موش بيتفك الا
باالباسورد و انتى كتبتها بطريقة عشوائية و موش حفظها فاكدة تضمنى انو مهما
حصل انتى موش هتعرفى تفتحى الصفحات دى تانى ابدا لانو انتى ماتعرفيش
الباسورد بتاعت فك الحجب
تمام كدة ضمنا انو موش هتعرفى تفتحيها تانى ابدا
بالنسبة بقى للعبادات الى هتمشى عليها عشان تثبتى على التوبة دى
الصلاة فى مواعيدها و دى اهم حاجة
الصيام اتنين و خميس او تالت ايام من كل شهر ولو انتى موش بتدرسى ولا
بتشتغلى و صحيتى فى اى يوم و حاسة انك قادرة تصومى صومى لانو الخطة دى بتدف
للتوبة و كمان انك تستبدلى السيئات بالحسنات بانك تعملى اعمال صالحة كتيرة
قراءة القراءن يويما
الصدقة و لو بربع جنيه و الرسول الكريم صلوات ربى و سلامه عليه قال
(لاتحقرن من المعرفو شيئا) يعنى مهما كنتى غير مقتدرة تصدقى بالى تقدرى
عليه
بر الوالدين
يعنى ساعدى امك فى شغل البيت و برى ابوكى
صلاة قيام اليل انشالله ركعتين
كثرة الاستغفار و تجديد التوبة
الدعوة فى اوقات الاجابة انو ربنا يثبتك و يتوب عليكى و يغفرلك و يعفو عنك
بس كدة انا خلصت واتمنى يارب يكون الموضوع دة سبب فى هداية البنات و
الشبابا من البلاء دة
و ربنا يعفو عنا جميعا و يهدينا و يثبتنا و يتقبل منا صالح الاعمال و
يرحمنا
السبت أبريل 16, 2011 4:03 am من طرف 
موضوع: الاباحية 
